Thomash Strakosha po kalon një formë fantastike në fushën e lojës me ekipin italian, Lazion dhe kombëtaren shqiptare. Garadiani tashmë 23-vjeçar, debutoi në muajin mars të vitit 2017, në duelin prestigjioz ndaj Italisë të luajtur në Palermo, që përfundoi me rezultatin 2-0 në favor të “axurrëve”.
Edhe pse kuqezinjtë u mposhtën në atë sfidë, Strakosha, dha “shkëndijat” e para, duke treguar se është një garanci për portën e Shqipërisë. Nëpërmjet një video të postuar në “Instagram”, portieri ka zgjedhur të kujtojë debutimin e tij me fanellën kuqezi.
“Para një viti, emocionet e para me kombëtaren”, shkruan Strakosha në videon e shpërndarë, me disa nga pritjet më të mira të tij, në ekipin Kombëtar.
