Santiago Solari u emërua trajner i Realit të Madridit vetëm të hënën në mbrëmje, ku pasoi Julen Lopeteguin, pas humbjes së thellë në El Classico, ndërsa mbrëmjen e sotme bëri një debutim të suksesshëm.
Madrilenët mposhtën me rezultatin e thellë 4-0 Melillan, skuadër që militon në ligën e tretë spanjollë, në sfidën e parë, të vlefshme për fazën e 1/16-ave të Kupës së Mbretit, duke mbyllur llogaritë e kualifikimit.
Karim Benzema hapi serinë e golave në pjesën e parë, ndërsa më pas shënuan Asensio, Odriozola dhe në fund i riu debutues, Cristo Gonzales, që i dhuruan kënaqësinë e suksesit në debutim, Santiago Solarit.
