Ish-ministri i Brendshëm, Saimir Tahiri, për një javë është kthyer në personin më të përfolur në të gjithë Shqipërinë. E gjithë vëmendja mediatike është përqendruar tek ai pas publikimit të hetimit nga ana e prokurorisë së medias italiane thuhet se është i përfshirë në trafikun e drogës. Media deri më sot ka publikuar çdo lajm që lidhet me hetimet ndaj Tahirit. Madje ka transmetuar edhe përkrahësit e Tahirit që dalin në protesta kundër arrestimit të tij.
Mbrojtja e simpatizantëve ndaj Tahirit sot i kaloj të gjitha kufijtë. Në kohën kur Këshilli i Rregulloreve vazhdonte mbledhjen jashtë kamerave, Saimir Tahiri dha një deklaratë për mediat, jashtë Kuvendit. Tahiri hodhi akuza ndaj kundërshtarëve politikë dhe akuzat e ngritura ndaj tij i quajti politike.
Simpatizant e mbështetës e kanë pritur Tahirin jashtë Kuvendit, me brohoritma, puthje dhe përqafime por diçka jashtë normales ka ndodhur ndërkohë që Tahiri flet për gazetarët.
Dy gra në moshë në një video të publikuar nga Dritare.net, shajnë Bashën dhe Berishën, dhe këdo që flet kundër Tahirit, por hedhin dhe një lumë kërcënimesh sharjesh dhe fyerjesh ndaj gazetares së News 24, e cila i bën Tahirit. Sharjet fillojnë me “gazetare e qelbur” e deri te “surratja”.
Gratë irritohen aq shumë, sa kërkojnë largimin e gazetares, madje edhe e kërcënojnë me fjalët: “Ta marr për leckash dhe ta hedh, turithara, shëmtira e dreqit”.
Liria e gjithkujt mbaron aty ku fillon e tjetrit. Simpatizantet e Tahirit mund ta mbështesin atë në çdo rrethanë, por ato nuk kanë asnjë të drejtë të ofendojnë dhe kërcënojnë një gazetare që është duke bërë detyrën e saj. Çdo gazetar apo gazetare ka mision të nxjerr të vërtetën. Pyetjet e çdo gazetari i vlerëson audienca dhe me pas vendos të ndjek të informohet nga gazetarët apo jo. Çdo militant nuk ka asnjë të drejtë kushtetuese të ofendoj gazetarët apo qytetarët. Në rastin konkret gazetarja ka të drejtën që i jep ligji të ngrejë padi për kërcënim dhe fyerje e prishje të imazhit publik ndaj dy grave.
