Update/ Pas humbjes me Kosovën, Panucci u shpreh se kurrë më nuk do të shihnim një ndeshje të tillë të Kombëtares.
Por edhe ndaj Ukrainës thuajse kishim një Kombëtare të njëjtë me atë ndaj Kosovës, i vetmi ndryshim ishte një gol i shënuar nga Emanuele Ndoj në minutat e fundit.
Gjithçka u shemb në vetëm 15 minuta në pjesën e parë kur Yarmolenko shënoi dy herë, ndërsa një gol u shënua nga Konoplyanka.
Ndërkohë, rezultatin e vulosi në 4-1 në minutën e fundit të ndeshjes Konoplyanka.
Një tjetër humbje e thellë dhe një tjetër lojë zhgënjyese e Kombëtares kuqezi të drejtuar nga Panucci.
Asnjë përmirësim, Shqipëria “shkërmoqet” nga Ukraina (Video)
Kombëtare shqiptare e futbollit po shkon poshtë e më poshtë, ajo tashmë ka mbetur pa identitet. Në vetëm në 45 minutat e para, Ukraina ka mundur të shënojë 3 gola në ndeshjen miqësore që është duke u luajtur në Evian të Francës.
Po ashtu si edhe ndaj Kosovës, mbrojtja është në një gjendje shumë të keqe, thuajse inekzistente edhe pse në formacion është edhe Mavraj që mungoi në miqësoren e parë.
Dy gola u shënuan nga Yarmolenko, ndërsa njëri nga Konoplyanka. Ukraina e pati shumë të lehtë të thyejë kuqezinjtë në këtë 45 minutësh.
Mbetet për t’u parë se si ekipi do të reagojë në pjesën e dytë…
Formacioni i Shqipërisë: Berisha, Hysaj, Mavraj, Gjimshiti, Veseli, Lilaj, Roshi, Lenjani, Ndoji, Ramadani, Manaj.
