Ka ardhur edhe momenti i Eros Grezdës në Skoci. Mesfushori me tipare sulmuese ka shënuar dy gola në fitoren e thellë të klubit të tij Rangers, i cili drejtohet nga legjenda e Liverpool, Steven Gerrard.
Rangers ka fituar 7-1 ndaj Motherwell në ligën skoceze, dhe momentalisht është në vendin e tretë me 24 pikë. Golin e parë, Grezda e shënoi në minutën e 68’ duke e çuar rezultatin në 6-1. Ndërsa vetëm 7’ minuta më pas ka shënuar edhe golin e dytë personal dhe të fundin e këtij takimi.
I lindur në Gjakovë, Grezda 23-vjeçar luan për kombëtaren shqiptare, ku në nëntë paraqitje ka gjetur edhe njëherë rrugën e rrjetës.
