Kryeministri Edi Rama është veshur sot si babagjysh teksa ka plotësuar ëndrrën e dy personave.
Ai ka qenë pjesë e rubrikës “Ka një mesazh për ty” te “E diela shqiptare”, ku ka dëgjuar historinë e Leos së vogël të paralizuar, i cili i ka shkruar një letër babagjyshit.
Leo i vogël kërkonte vetëm një makinë për të mundësuar transportin e tij në shkollë si dhe një lodër për motrën e tij.
Po ashtu, Leo ka emocionuar të gjithë të pranishmit teksa ka thënë se ëndrra e tij më e madhe është që të ngrihet në këmbë dhe të ecë sërish.
Në ekran shfaqet Rama si babagjysh, i cili i thotë Leos se çdo ditë do e dërgojë në shkollë një taksi, ndërsa i premton se së shpejti ai do të ngrihet në këmbë, pasi do të nisë fizioterapinë.
Pasi i lë Leos thesin me lodra, “babagjyshi” heq maskën dhe surprizon Leon e vogël, bashkë me të ëmën.
