Një aksident tragjik ka rezultuar fatal për 12 persona në Meksikë, pas përmbysjes së një autobusi turistësh.
Po ashtu, nga aksidenti janë plagosur 18 persona të tjerë, në aksidentin e ndodhur në Kintana Ru.
Autobusi transportonte 31 turistë nga Shtetet e Bashkuara, Italia, Suedia dhe Brazili, ndërsa destinacioni ishte një pikë arkeologjike, ku ndodhen disa rrënoja të lashta majane.
Ende nuk dihet shkaku i këtij aksidenti të rëndë, ndërsa mediet pohojnë se ngjarje të tilla me një numër kaq të lartë viktimash janë të rralla.
