Shqipëria numëron 15 pjesëmarrje në Eurovision dhe nuk është tërhequr nga konkurrimi në festival që nga debutimi në vitin 2004. Mirëpo këto 15 herë nuk kanë shkuar vaj sepse përfaqësuesit e Shqipërisë janë përfshirë ose kanë bërë gafa që janë komentuar ndër vete.
1. Kur po zhvillohej Eurovision 2015, agjencia prestigjoze e lajmeve “Reuters” shkruajti gabimisht se Elhaida Dani ishte përfaqësuese e Rusisë duke shkaktuar zhurmë me këtë shkrim.
“Këngëtarja Elhaida Dani përfaqësuesja ruse, performon këngën I’m Alive gjatë gjysmëfinales së Eurovisionit që po mbahet në Vjenë”, shkruante “Reuters”.
2. “O Dhurata ma kujto pak…”, është ndër gafat që do e kujtoni menjëherë. Përfaqësuesja e Shqipërisë në Eurovision 2016, ishte Eneda Tarifa e cila teksa po jepte një intervistë në anglisht, nuk po arrinte të gjente fjalën dhe i kërkoi ndihmë një prej shoqëruesve të saj.
Video e Enedës nga intervista bëri xhiron atë kohë.
3. Ndërsa përfaqësuesja e Shqipërisë në Eurovision 2017, Linda Halimi pak kohë para pjesëmarrjes së saj në festival ishte e ftuar në emisionin “Thurje” të Jonida Vokshit dhe me një status ajo lajmëroi fansat ta shihnin.
Por në vend të shkruante Jonida Vokshi, Linda e ngatërroi me moderatoren tjetër, Jonida Shehun. “Më shihni në kanalin T, Digitalb në orën 21.00. Emisioni Thurrje me Jonida Shehun”, shkruante Linda.
4. Gafa e fundit ishte nga komentuesi shqiptar i Eurovisionit i cili ditën e djeshme la mikrofonin hapur. Duke menduar se e kishte mikrofonin e mbyllur, Andri Xhahu nuk e vrau mendjen dhe u shpreh lirshëm: “Ike për fare ti? Ku?”, u dëgjua të thotë ai./Xing.al
