Një banor i vetëm në një fshat të Kosovës! Historia e veçantë vjen nga Kosova, konkretisht nga fshati Graxhenik.
Ky fshat tashmë i braktisur nga të gjithë, ka diçka ndryshe, teksa është një fshat me vetëm një banor. Ky i fundit është 70-vjeçari Sabit Maliqi, i cili e pranon se mysafirët në këtë fshat janë të rrallë.
Ai tregon se e shoqja ka probleme me tensionin, prandaj e ka dërguar në Prishtinë prej dy muajsh, duke jetuar i vetëm në Graxhenik. Sabiti e pranon se kushtet janë mjaft të vështira në fshat, por duket se 70-vjeçari e urren qytetin.
“Dy ditë në Prishtinë, më duken 2 javë. Këtu ajri është i pastër, mjaltë ka sa të duash, pulat e fshatit dhe vezët… është kënaqësi e vërtetë”, rrëfen ai.
Edhe pse 70 vjeç, Sabiti shprehet se ai i bën vetë të gjitha, gatuan për veten si dhe ka siguruar vetë drunjtë për të kaluar dimrin e ftohtë. Madje, edhe bukën ai e gatuan vetë.
Ai është i kënaqur me gjithçka ka, teksa thotë se të ushqimet janë bio, por ajo që “ia ka sjellë në majë të hundës, është rruga”.
Më poshtë kronika e përgatitur nga RTV 21:
