Mustafa Aruçi është 104 vjeç, por kjo nuk e pengon të këndojë. “Gjyshi Faja”, siç e njohin të gjithë zonën, është këngëtari i grupit folkloristik “Pleqtë e Krujës”.
Ai është mjaft energjik dhe mosha për të mbetet vetëm një numër. Madje, etno-muzikolozu Mehmet Llubani thotë se gjyshin Faja e ka mbajtur të gjallë pikërisht kënga.
“Kam hyrë për 105-vjeç dhe nuk dua t’i ndahem edhe në këtë 100-vjeçarin tjetër. Nuk kam qejf me iu nda deri në kohën e shpirtit”, thotë ai në një intervistë për DW në gjuhën shqipe.
Sigurisht shtëpia e tij është e mbushur plot e përplot me mbesa e stërnipër.
“Gjyshi ngrihet në mjes, në 07:00, 07-30 del dhe merr qumështin. Masanej vjen në shpi. Masanej shkon në pazar, del ke çuni tezes time e rri, dy orë, tre orë, pastaj vjen”, thotë një nga familjarët e tij.
