Vetëm disa orë na ndajnë nga finalja e madhe e Kupës së Botës e cila këtë vit u mbajt në Rusi. Gjysmë ore para se të dy finalistët, Franca dhe Kroacia, të hyjnë në fushën e stacionit Luzhniki të Moskës, emrat ikonë të skenës muzikore ndërkombëtare do të hapin ndeshjen e finales së madhe.
Ndërsa pritet të ketë shumë surpriza, por ajo që është e sigurt është se do të ekzekutohet edhe kënga zyrtare e Kupës së Botës 2018, “Live It Up”, e cila do kungohet nga Will Smith, Nicky Jam dhe Era Istrefi.
Shqiptarja si dhe dy kolegët e saj kanë mbajtur sot një konferencë për media një ditë pare se ata të këndojnë në stadiumin Luzhniki të Moskës.
Gjatë fjalës së saj këngëtarja shqiptare është shprehur se: “Jam e nderuar të isha pjesë e Kupës së Botës. Është një event që ndodh një herë në katër vjet. Dhe emocionet janë shumë të mëdha dhe krejt të veçanta. Ishte shumë e veçantë të shihja ndeshjet të cilat bashkuan gjithë kombësitë në një, veçanërisht përmes muzikës për të cilën mendoj se është e jashtëzakonshme, e mrekullueshme”.
Më tej e pyetur nga gazetarët, se cila ka qenë momenti më emocionues për të gjatë ndeshjeve të Kupës në Botës, artistja shqiptare ka thënë se: “Momenti më i paharrueshëm për mua ishte ndeshja e Zvicrës me Serbinë, ku dy shqiptarët shënuan dy gola. Ishte fantastike. Ishte e jashtëzakonshme”. /TIRANA TODAY/
