Historia e vjehrrës me nuses ka përfunduar në një debat të ashpër në emisionin “Me zemër të hapur”, në “News24”.
Një martesë e prerë mes Eglantinës nga Kuçova dhe Armandos nga Saranda, të cilët prekin jetën e një fëmije 5-vjeç, ka sjellë ngritje zëri në emision, ku nuk munguan edhe ofezat.
Emisioni mori një tjetër drejtim, pasi vjehrra pretendonte se të pranishmit ishin bërë palë me nusen.
Pasi u përballën live ku lëshuan lumë akuzash, dy protagonistët, Armando dhe nëna e tij, Natasha, janë larguar nga studio e emisionit, duke mos pranuar që të jenë më pjesë e tij.
Teksa largohej nga emisioni, Armando i është drejtuar me një ton gati kërcënues psikologes së emisionit, ndërsa i thotë; ‘Të vjen për të qeshur eh?’. Ndërkohë që ajo i drejtohet; po më vjen me sjelljen tënde”.
Moderatorja pasi i ka përcjellë, nuk i ka lënë më që të ktheheshin. Kjo ishte vetëm një tentativë nga ana e Natashës, e cila kërkoi nga publiku që të shihte mirë se çfarë po bëhej.
Zbardhja e kësaj historie sa tek “Klan”-i e më pas tek “News 24”, i ka shtuar edhe më shumë dozat e sigurisë vjehrrës, e cila pretendonte se nëse nuk jepte mesazhin e saj, atëherë ajo do të drejtohej në një tjetër televizion.
