Interi u përball me PSV-në pak javë më parë në Champions League dhe mori një fitore mjaft të rëndësishme në Holandë. Por në këtë sfidë ndodhi një moment që po bën xhiron e botës. Nga tribuna e tifozëve u hodh një gotë birrë në drejtim të Mateo Politanos, por ky i fundit e ktheu në një show, pasi e kapi gotën dhe mori ovacionet nga tifozët e pranishëm në stadium.
Mesa duket, kjo sjellje e tifozerisë i ka kushtuar disi PSV-së, duke qenë se UEFA ka marrë një vendim për këtë veprim.
Komisioni i Disiplinës ka gjobitur me 15 mijë euro klubin holandez për sjellje të gabuar të tifozerisë vendase, gjë e cila duket se nuk i ka pëlqyer drejtuesve. “Ne jemi një klub me reputacion dhe duhet të marrim masa. Nuk mund të lejojmë që disa individë, të ulin reputacionin tonë me gjeste të tilla”, u shpreh menaxheri i PSV-së Ton Gerbrand.
