Një ditë më parë, pas plagosjes së tre minatorëve në Bulqizë, ministri i Infrastrukturës dhe Energjetikës, Damian Gjiknuri u akuzua rëndë nga opozita, deri dhe si mafioz në aferat e kromit.
Sot ai ka reaguar duke thënë se ka një arsye se përse pas Tahirit e Xhafajt po vjen radha e tij.
“E filluan me ish-Ministrin e Brendshëm, e vazhduan me ministrin aktual të Brendshëm, tani po dalin po më sulmojnë edhe mua. Pra, po të shikoni, ata njerëz sulmojnë të gjithë ministrat dhe deputetët kryesorë të Partisë Socialiste, të gjithë njerëzit që kanë një peshë elektorale, që kanë kontribuar për fitoren e PS-së. Sipas tij, kjo lloj sjelljeje nga ana e opozitës, është reflektim dëshpërimi për pamundësinë e sfidimit elektoral”, tha Gjiknuri.
