Fondacioni “Fundjavë Ndryshe”, si në shumë raste të tjera ku u ka ardhur në ndihmë familjeve në nevojë edhe këtë herë ka sjellë lajme të mira. Drejtori i fonacionit Arbër Hajdari, me anë të një shënimi në “Facebook”, shkruan se familjes Murataj nga fshati Bruzë Mal në Malësi të Krujës, do t’i blihet një apartament në Tiranë.
Familja prej 8 anëtarësh, 5 fëmijë, nëna, gjyshi dhe gjysha, do të sillen në Tiranë. Kryefamiljari i familjes Murataj ka ndërruar jetë nga një sëmundje e rëndë. Në kushte të vështira ekonomike dhe në mes te maleve, kjo familje ishte e lënë në mëshirë të fatit. Shtëpia e familje po shembej dhe anëtarët e saj rrezikonin jetën.
“Fundjavë Ndryshe” dhe Emina Cunmilja, kanë udhëtuar në këmbë për të parë nga afër kushtet e kësaj familje, pasi nuk kishte rrugë për automjetet për të arritur deri në fshatin e largët. Ata kanë udhëtuar me datë 28 shtator dhe kanë shkuar te kjo familje me 5 jetimë, ku sot me datë 3 tetor ndajnë lajmin e mirë se familjes do t’i blejnë shtëpi në Tiranë, që fëmijët të kenë mundësi të shkollohen dhe e gjithë familja të ketë një të ardhme më të mirë.
“Mirëmëngjesi Miq,
Ndajmë sëbashku lajmet e mira. Këtë javë, bëjmë me shtëpi të re familjen me 5 fëmijë jetimë nga një fshat i largët i Krujës.
Apartmenti i ri do të blihet në Tiranë, aty pranë kanë edhe shkollën për fëmijët. I themi boll vuajtjeve të tyre dhe tani meremi intensivisht me edukimin, kjo është zgjidhja e vetme për një shoqëri më të mirë ?? ♥️
Ditë të mbarë ☺️
Shpërndaje/Share
Fundjavë Ndryshe”, shkruan Arbër Hajdari në “Facebook”.
