Të marrësh një autograf nga Cristiano Ronaldo nuk është aq e lehtë dhe këtë na e vërteton historia e këtij djaloshi që këmbëngul derisa ia arrin qëllimit. Ai arriti të realizonte ëndrrën e tij, falë një këmbëngulje të gjatë edhe pse nuk arriti ta takonte idhullin e tij.
Kur dëshiron diçka me të vërtetë, atëherë edhe mund ta arrish. Këtë e tregon historia e një djaloshi, pas ndeshjes së mbrëmshme ndërmjet Betis dhe Real Madrid. Ai me babin e tij ka pritur pas ndeshjes te autobusi i Real Madridit, për të takuar ose marrë një autograf të Cristiano Roanldos.
Ylli portugez ishte akomoduar në autobus dhe nuk e kishte dëgjuar djaloshin, por ky i fundit insistoi dhe iu afrua autobusit të madrilenëve. Fillimisht ai mori një autograf nga Nacho, por nuk ishte i kënaqur dhe kërkonte më shumë.
Pas disa herëve insistim, djaloshi takoi dhe Dani Ceballos, i cili përveç që ia nënshkroi fanellën, ia dërgoi edhe portugezit brenda autobusit. Djaloshi në fund u largua i lumtur duke falënderuar Ronaldo dhe përmbushur ëndrrën e tij.
