Xherdan Shaqiri ishte lojtari më i mirë në fushë për Liverpool-in përballë serbeve të Crvena Zvezdas. Në formacionin e Klopp ai ka marrë një rol të ri, pasi po bën numrin 10 në fushë dhe është ai që organizon komplet lojën e “Reds-ave”.
Djaloshi me prejardhje nga Kosova i rritur në Zvicër, ishte gjatë gjithë kohës i vërshëllyer nga tifozët e pranishëm në “Marakananë” e Beogradit. Ai e mbylli ndeshjen me një asist dhe një pasim fantastik për Robertson në golin e parë që u shënua nga Firmino.
Gazetarët serbë e priten me padurim Xherdan Shaqiri në ‘zonën mix’ për pyetje pas ndeshjes, por futbollisti shqiptar i ka injoruar ata totalisht. Gazeta serbe ‘Novosti’ dhe ‘Kurir’ kanë shkruar që lojtari nuk ka dashur të jap deklaratë për mediat serbe, por ka dhënë vetëm për mediat britanike.
“Nuk me ka penguar që tifozët e Zvezdës me kanë vërshëllyer, kam luajtur kundër Serbisë në Botëror. Unë nuk kam frikë, kam parë disa artikuj mbi këtë temë. Nuk më intereson se çfarë thonë njerëzit. Unë jam këtu për të luajtur futboll dhe nuk ka të bëjë fare me politikë”, ka thënë Shaqiri.
