Ka mbërritur në Rinas para pak minutash trupi i pajetë i 23-vjeçarit Florenc Beqiraj, i cili humbi jetën në spitalin “Nord” të Marsejës, pasi mjekët i hoqën aparaturat që e mbanin gjallë.
Trupi i të ndjerit është pritur me dhimbje e lotë nga familjarët dhe të afërmit, ndërsa do të dërgohet në Shkodër, qytetin ku lindi e ku do të prehet.
Vdekja e Florencit tronditi të gjithë shqiptarët, teksa familjarët janë shprehur se ai është rrahur për vdekje nga policët e burgut ku qëndronte, ose nga të burgosur të tjerë.
Por, sipas Ministrisë së Jashtme, Florenci ka tentuar të vetëvaret, duke kundërshtuar kështu deklaratat e familjarëve të të riut shkodran.
Ministria e Brendshme në Francë ka deklaruar se kjo çështje është ende në hetim, ndërsa pritet që zbardhja e ekspertizës t’u japë fund dyshimeve për rrethanat e vdekjes së Florencit.
