Për fat të mirë, natyra na ka bekuar me det e mal. Shpesh e dëshmojmë se sa krenarë ndihemi, e hera-herës na vjen turp për masakrën që kemi shkaktuar në këto vite.
Videoja në fjalë, e shpërndarë nga ‘Fax News’, tregon realitetin e trishtë në të cilën jetojmë. Teksa ndodhemi në kulmin e sezonit turistik, pamja të lë për të dëshiruar. Një fëmijë është infektuar nga ujërat e ndotura, që po derdhen sot në Spille.
Një prej plazheve më të qeta që njihet për detin e kristaltë dhe rërën e pastër, plazhi i Spillesë, tashmë po infekton pushuesit, këto nga fekalet e turizmit.
