Një ish-gjenerali rus ka paralajmëruar pasojat e sulmit në Salisbury-t, i cili sipas tij mund të çojnë në “luftën e fundit në historinë e njerëzimit”, dhe duket se është një kërcënim i tmerrshëm ndaj Britanisë, shkruan Tirana Today.
Ish-gjenerali Evgeny Buzhinsky tha se tensionet diplomatike rrezikojnë të bëhen “më të këqija se ato të Luftës së Ftohtë” – dhe pretendoi se Perëndimi po përpiqet të shkatërrojë qeverinë e Vladimir Putinit.
Mbi 100 diplomatë rusë janë dëbuar nga vendet anembanë botës, pasi Britania akuzoi Rusinë për përdorimin e një agjenti nervor për helmimin e ish-spiunin Sergei Skripal dhe vajzës së tij, ndërsa ata ndodheshin në Salisbury.
Duke folur për BBC , ai paralajmëroi se situata mund të përshkallëzohet dhe do të dalë jashtë kontrollit.
“Kjo është një Luftë e Ftohtë. Është më keq se lufta e ftohtë, sepse nëse situata do të zhvillohet ashtu siç është tani, kam frikë se përfundimi do të jetë shumë i keq. Madje shumë më i keq se përfundimi i Luftës së Ftohtë. Besoj se do të jetë lufta e fundit në historinë e njerëzimit”. TIRANA TODAY
