Një zjarr i madh ka rënë gjatë natës në një kullë në Latimer Road, në perëndim të Londrës.
Dëshmitarët okularë pohojnë se njerëzit kanë mbetur të bllokuar brenda në shtëpitë e tyre.
Shefja e zjarrfikseve në kryeqytetin britanik, tha se “Zjarri që përfshiu në mesnatë një ndërtesë në perëndim të Londrës ka shkaktuar disa të vdekur.”
“Ka viktima, por nuk mund të konfirmoj një shifër për shkak të përmasave dhe komleksitetit të ndërtesës”, deklaroi Dany Cotton, zyrtar i London Fire Brigade në një deklaratë për shtyp.
Zjarri në Grenfell Tower në Estate west Lancaster u raportua në 00:54, sipas orës lokale dhe rreth 200 zjarrfikës janë ende duke luftuar flakët.
Policia tha se njerëzit po trajtoheshin për një sërë lëndimesh.
Andy Moore i BBC tha se i gjithë blloku i kullave kishte rënë dhe kishte frikë se ndërtesa mund të shembet.
Ndërsa korrespondenti i BBC Simon Lederman tha një numër i konsiderueshëm njerëzish, nuk gjenden.
Dëshmitarët thanë se dëgjuan britma nga katet e sipërme ndërsa flakët përfshinë çdo gjë.
“Ata u bllokuan, nuk mund të zbrisnin në katin e poshtëm, sidomos nga katet e larta … njerëzit janë djegur”, tha një dëshmitar i identifikuar si Daniel për BBC Radio London.
“E kam parë atë me sytë e mi njerëz të hidhen nga godina në flakë tha ai”.
BBC, duke iu referuar autoriteteve spitalore, bën të ditur se numri i të lënduarve deri tani shkon në 30, por ende nuk ka të dhëna për shkallën e dëmtimit të tyre.
Autoritetet ende nuk kanë dhënë informacion nëse kemi të bëjmë me një akt terrorist apo ngjarje të rastit.
https://youtu.be/RirJAvX9EMw
