Rrëqethës është rrëfimi i Gëzim Beqirajt, babait të Florencit, pas ardhjes së trupit të pajetë të të birit në shtëpinë e tij në Shkodër.
Mes dhimbjes së madhe, Gëzimi ka gjetur forcën për të folur para kamerave, teksa kërkon me pikëllim drejtësi për të birin.
I ati i Florencit, ashtu si familjarët e tjerë deklarojnë se 23-vjeçari është dhunuar, teksa dikush ka dashur ta vrasë dhe nuk ka qenë tentative për vetëvrasje, ashtu siç pretendon ministria e Jashtme:
“Ishalla del drejtësia e djalit tem, meqë djali më iku prej kësaj jete të paktën të dalin drejtësia. Po, ka pas shenja dhune, i dhunum ka ken. Unë ia kam gjet shenjën në dorë edhe në krahë. Kur kam shku të nesërmen në spital, ia kanë fshi komplet shenjën e dorës. Te fyti po se po, me tel, ai nuk ka qenë konop. Si e ka pas në fyt, e ka pas edhe në dorë djali.”
I pyetur se si ia hoqën tubat e aparaturave që e mbanin gjallë,
“Atë e din vetë spitali. Unë kam pas qef me ardh djali im gjallë knej, jo me e pru të vdekun te motrat e te nana e vet. Ky qe risku, ca me bo. Ishalla kane një risk ata refugjatët e tjerë e nuk iu ndodh kjo punë që i ndodhi djalit tim. I uroj me gjithë shpirt.”
Më pas, një nga gazetarët e ka pyetur nëse ka firmosur për heqjen e aparaturave, ndërsa Gëzimi është përgjigjur:
“Jo mor vlla, nuk kam firmos, s’më ka shku mendja me e mbyt djalin tem. Ku ka prind që e mbyt fëmijën e vet? Kërkoj vetëm drejtësi, as s’merrem me politike as s’më intereson politika! Unë du drejtësi”, përfundon Gëzimi.
