Izraeli u mposht 3-2 në “Hapden Park” nga Skocia në ndeshjen vendimtare të grupit, ku u vendos se kush do të mbante vendin e parë. Falë triumfit në ndeshjen e fundit, kombëtarja britanike arriti të siguronte vendin e parë duke u kualifikuar për në raundin gjysmëfinale.
Por izraelitët kanë arritur të fitojnë simpatinë e të gjithë adhuruesve të futbollit më gjestin në fillim të ndeshjes. Futbollistët në momentin që po këndoheshin himnet përkatëse, të shoqëruar nga fëmijët e vegjël, duke parë se ishte shumë ftohtë, heqin të gjithë fanellat dhe ua veshin të vegjëlve.
Ky moment nuk i shpëtoi kamerave, teksa videoja është shpërndarë me shpejtësi në rrjetet sociale, ku nuk kanë munguar komentet pozitive.
