Përpara seancës plenare, ku pritet ndër të tjera të votohet edhe projekti për ndërtimin e Teatrit të ri Kombëtar, artistët dhe shoqëria civile janë mbledhur në protestën e paralajmëruar përpara Kuvendit të Shqipërisë.
Ndërkohë, Partia Demokratike ka mbledhur grupin parlamentar, për të diskutuar qëndrimin që do të mbajë në lidhje me seancën e sotme plenare dhe çështjen e shembjes së godinës aktuale të Teatrit Kombëtar.
Kur kishte disa minuta që kishte nisur protesta në oborrin e Kuvendit u hodh një tymuese, dhe artistët u kanë bërë thirrje qytetarëve që protesta të jetë paqësore.
