Kroacia siguroi një biletë për në gjysmëfinale të Botërorit pasi eliminoi Rusinë. Një ndeshje mjaft emocionuese, pasi u shënuan dy gola në kohët shtesë dhe më pas erdhën penalltitë.
Në Kroaci të gjithë ishin të fiksuar para televizorit në momentin e penalltive, qoftë nga puna, në sheshe apo bare. Por një video që po bën xhiron e rrjetit është ajo e disa zjarrfikësve, të cilët ishin duke shijuar momentin e penalltive dhe gati të festonin, por një urgjencë i detyroi të largoheshin.
Një gjest mjaft i bukur nga këta burra, pasi edhe pse ishte për tu ekzekutuar edhe penalltia e Rakitic, e më pas të fillonte festa, në momentin që bie alarmi ata ngrihen menjëherë duke nxituar për të hipur në makinë dhe të niseshin për në vendin e ngjarjes.
Kroacia do të përballet me Anglinë dhe në rast kualifikimi për në finale do të shkruaj historinë, pasi kombëtarja e tyre asnjëherë nuk ka qenë në një finale Botërori.
