Kryetarja e Lëvizjes Socialiste për Integrim Monika Kryemadhi, ka mbajtur një komunikim për media, ku është përballur me një surprizë aspak të këndshme. Ka qenë gazetarja Esiona Konomi e cila e ka informuar kryetaren e LSI-së, për largimin e deputetit të saj Robert Bitri nga grupi i LSI-së. Kjo ka qenë një surprizë e hidhur për Kryemadhin e cila është shprehur se nuk ishte në dijeni të situatës, madje është gjendur në vështirësi përballë gazetares.
Gazetarja: Zonja. Kryemadhi, Lulzim Basha ka paralajmëruar një politikë të re, që do të thotë i ka ftuar edhe socialistët e ndershëm sikundër i quan ai. Por, nga ana tjetër ka zëra se vetë socialistë kanë nisur një fushatë për të joshur deputetët e LSI-së, dhe për t’i bashkuar ndoshta në shtator në një qeverisje të re. A janë të vërtetë këta zëra, çfarë po ndodh me deputetët e LSI-së?
Kryemadhi: Unë dua të them diçka, që zoti Rama ka një kohë të gjatë që mundohet të joshë, jo deputetë të LSI-së, por çdo njeri tjetër qoftë edhe media, gazetarë, biznese të cilët i përdor dhe më pas i flak. Nuk mendoj se problemi qëndron tek numrat, se kjo nuk është më çështje numrash. Zoti. Rama i ka numrat në Parlament. Ju e dini shumë mirë që ka 74 mandatet e PS-së dhe disa mandate të tjera të konvertuara, gjë që nuk është problemi i numrit për të mbajtur qeverisjen e tij në këmbë, sesa më shumë e bën për të tërhequr vëmendjen dhe për të futur jo vetëm politikën por edhe opinionin publik në shit-blerjen e mandateve. Çdo mandat që konvertohet dua të theksoj se nuk janë votat e zotit.Rama, janë vota të cilat Monika Kryemadhi nuk i ka vota të saj, por janë vota të LSI-së. Çështja e blerjes së mandateve është bërë një çështje demonde, dhe nëse ndodh që Rama të bletë të 160 deputetët, pra të blejë të gjithë Parlamentin, të jeni të bindur që ai nuk shpëton nga rruga zullumit në të cilin është futur, sepse nuk do e lejojnë shqiptarët këtë gjë.
Gazetarja: Zonja Kryemadhi, zoti Robert Bitri u konvertua, dhe juridikisht ai është jashtë grupit parlamentar. Pse mendoni që nuk po i mbani brenda gardhit tuaj as ato deputetë që janë zgjedhur?
Kryemadhi: Unë mendoj se e kam sqaruar çështjen e Zotit Bitri, aktualisht ai është anëtarë i grupit të LSI-së.
Gazetarja: Juridikisht jo.
Kryemadhi: Juridikisht është.
Gazetarja: Jo nuk është.
Kryemadhi: Pse ka bërë dorëheqje, është çregjistruar nga grupi. Kur është çregjistruar?
Gazetarja: Është shpallur si deputet i pavarur i Kuvendit, juridikisht.
Kryemadhi: Jo tek ne nuk ka depozituar tërheqje. Ok. Faleminderit që na informove. I urojmë punë të mbarë Zotit. Bitri, nëse është regjistruar në grupin e deputetëve të pavarur. Do të jetë ai që do të përballet e votuesit e LSI-së në Fier, nuk do të përballemi ne. Por uroj që të realizojë qëllimet e tij financiare dhe ekonomike nëse e ka bërë këtë gjë. Më çudite, por pranë grupit tonë nuk është çregjistruar. Megjithatë nëse e ka bërë këtë gjë… Kjo do të thotë që Bitri dhe Ruçi kanë frikë nga LSI-ja mesa duket, kështu që nuk ka ndonjë problem. TIRANA TODAY
