Kryeministri Edi Rama këmbëngul se materiali i përgjimit të vëllait të ministrit të Brendshëm është i manipuluar dhe pse një ditë më parë, Albert Veliu doli publikisht duke thënë se gjithçka është folur në atë përgjim është e vërtetë.
Kryeministri Edi Rama këmbëngul se materiali i përgjimit të vëllait të ministrit të Brendshëm është i manipuluar dhe pse një ditë më parë, Albert Veliu doli publikisht duke thënë se gjithçka është folur në atë përgjim është e vërtetë.
Ndërsa gjatë konferencës ai është pyetur nga një gazetare duke krahasuar rastin Xhafaj me atë të Tahirit.
Rama: Kishe dhe një merak më duket, jepja mikrofonin që ta heq merakun?
Gazetarja: Në fakt meraku im lidhet me pyetjen që iu bëra. Ju si ndiheni kur dy personat që ju i keni besuar ministrinë më të rëndësishme, ku i pari është në “arrest shtëpie”, për trafik droge dhe i dyti akuzohet se ka mbrojtur të vëllanë. A nuk ka në PS përfaqësues të cilët nuk kanë kushërinj ose vëllezër që merren me trafik droge që mund ta drejtojnë këtë ministri?
Rama: Së pari një herë janë dy gjëra krejt të ndryshme. Dhe së dyti pyet pronarin se dhe ai ka një vëlla dhe a do të ishte i gatshëm ai, pronari juaj që të jepte llogari për vëllanë e tij.
Gazetarja: Unë po iu pyes juve sepse ju jeni kryeministër qeverisni vendin.
Rama: Më falni, nuk jemi duke bërë debat. Ju bëtë pyetjen dhe unë po iu jap përgjigjjen. Ju kërkoni përgjigje nga unë apo jo? Përgjigjja ime është kjo: Pyesni pronarin tuaj dhe thuaj a ka ai vetë ndonjë përgjegjësi për vëllanë se janë në të njëjtën fushë të dy.
Gazetarja: Pronari im nuk ka lidhje me rendin dhe me qeverisjen e vendit, kështuqë nuk e gjej krahasimin tuaj me vend. Unë iu pyeta se pse do të duhet të jetë kaq e diskutushme një ministri, dhe pse do të duhet të kemi gjithmonë ministra që implikohen në këtë çështje, për shkak se është një nga ministritë më të rëndësishme të vendit. Kështu që nuk e gjej krahasimin tuaj me vend, për pronarët e televizioneve të cilët nuk kanë lidhje me qeverisjen e vendit.
Rama: Ndërsa unë nuk dua debat dhe ju jeni këtu gazetarë për të bërë pyetje dhe ju merrni mikrofonin për të bërë propagandë. Nuk e kuptoj dhe kjo nuk është etike.
Gazetraja: Absolutisht kjo nuk është propagandë. Kjo është një pyetje referuar zhvillimeve. Kemi një ish-ministër që është në “arrest shtëpie” për trafik droge dhe një ministër të Brendshëm i cili akuzohet se i ka krijuar imunitet të vëllait. Pyetja ime është: Përse duhet të jenë gjithmonë persona të tillë, të implikuar në raste të tilla dhe të akuzuar? Nuk është propagandë.
Rama: Iu lutem, unë jam treguar shumë respektues.
Gazetarja: Dhe unë jam respektuese, por nuk mund të pranoj që të thoni se po bëj propagandë, sepse nuk është propagandë, është thjesht një pyetje.
Rama: Hajde këtu dhe vazhdo konferencën e shtypit, kjo është fjala e fundit.
Pastaj Rama u larguan nga foltorja dhe kështu me këtë fjali përfundoi dhe fjala e tij. TIRANA TODAY
