Update/Të tjera detaje janë zbardhur në lidhje me goditjen e dy grupeve kriminele shqiptare. Një ditë më parë nga një aksion i shtrirë në tre shtete, Itali, Gjermani dhe Shqipëri u vunë në pranga 20 persona, mes të cilëve 18 ishin shqiptarë. Dy grupet merreshin me trafikimin e lëndëve narkotike.
Nga të dhënat u bë e ditur se mes të arrestuarve ishin edhe dy vajza, përkatësisht: Keti Shani dhe Blerina Cela.
Sipas hetuesve, roli i vajzave, të cilat bënin pjesë në grupe të ndryshme, ishte shoqërimi i personave që transportonin kokainën dhe heroinën në makinat e përshtatura posaçërisht për këtë punë. Kokat e dy bandave janë Eljon Baruti dhe Hamit Bushi.
Njëzet persona, 18 prej të cilëve shqiptarë, u arrestuan gjatë një aksion të madh policor në Itali, Gjermani e Shqipëri, raportuan një ditë më parë mediat italiane. Arrestimet e djeshme vijnë pas hetimeve të filluara muaj më parë, e që kanë sjellë edhe arrestimin e 10 personave më herët.
Foto+Emrat/Kush janë 18 shqiptarët e bandave mafioze, mes tyre dhe dy gra
Dy banda që trafikonin kokainë, heroinë, e marijuanë mes Italisë dhe Evropës Veriore janë goditur mëngjesin e së hënës gjatë një operacioni të koduar “Alba Bianca”. Operacioni u shtri në 3 shtete, Itali, Gjermani dhe Shqipëri dhe në pranga kanë rënë 18 shqiptarë, 1 kosovar e 1 pakistanez.
Nga të dhënat thuhet se 16 persona janë arrestuar në Itali. 13 prej tyre janë shtetas shqiptarë me banim në Itali. Një i arrestuar është shtetas kosovar me banim në Treviso, një tjetër është shtetas italian me origjinë shqiptare me banim në komunën Merano të Bolzanos. 3 shqiptarë janë arrestuar në Bavari të Gjermanisë. 1 tjetër shqiptar është arrestuar në Tiranë.
Ky operacion antidrogë ka çuar në shkatërrimin e dy grupeve kriminale që vepronin në lidhje me njëri tjetrin; njëri në Veri të Italisë e tjetri në Bavari të Gjermanisë. Grupet kishin degëzime të shumta në territorin italian në rajonet e Lombardisë , Veneto e Piemonte deri në Belgjikë dhe Holandë.
Hetimet e këtij operacioni kanë nisur në janar të 2016 pas sekuestrimit të 91.5 kg kokainë në kufirin italian me Austrinë.
Që prej nisjes së hetimit të këtij operacioni e deri më arrestimet e ditës së sotme këtyre dy grupeve trafikantësh u janë sekuestruar 120 kg drogë e tipit marijuanë, kokainë e heroinë në vlerë mbi 20 milionë euro, 8 automjete të përdoruara për trafikun e drogës, mbi 100 mijë euro para cash si dhe janë arrestuar gjithsej 40 korrierë e trafikantë drogë.
Dy grupet kriminale
Sipas hetuesve, grupi Baruti i përbëhej nga 13 anëtarë:
– Florjan Musaj
. Eduart Gona
– Artur Muca
– Eljon Baruti
– Keti Shani
– Klevin Kodra
– Artan Sokola
– Shafique Mohammad Amar
– Rajmond Prenga
– Ben Jale AZiza Omar
– Erion Alla
-Halil Alla
Grupi Bushi përbëhej nga 7 anëtarë
– Vaskë Xherahu
– Hamit Bushi
– Arben Lleshi
– Odeon Proko
– Blerina Cela
– Manfred Hophensberger
– Qerim Lumi
