Specialistët e Hetimit të Krimit Ekonomik dhe Finaciar pranë Policisë Tiranë, vendosën në pranga Dritan Llanaj, 41 vjeç, banues në Tiranë.
Gjykata e Rrethit Gjyqësorë Tiranë me vendimin e datës 07.05.2018 ka caktuar ndaj Llanajt masën e sigurimit “Arrest me Burg” për veprat penale “ Falsifikim i vulave dhe stampave”, Ndërtim i paligjshëm”, “Mashtrim”, të parashikuara nga neni 190/1, 199/a/3 dhe 143/3 i kodit penal.
Materialet proceduriale do ti kalojnë Prokurorisë së Rrethit Gjyqësorë Tiranë për veprime të mëtejshme.
Por emri i biznesmenit Dritan Llanaj nuk është i panjohur. Gati një vit më parë para ambienteve të jashtme të Prokurorisë së e Tiranës, banat kanë pasur një konflikt me ndërtuesin në fjalë dhe në atë kohë kanë pasur një përplasje edhe me policinë Bashkiake.
Banorët në atë kohë janë shprehur se policia bashkiake ka tentuar që t’i largojë me forcë.
Ata vijuan dhe qëndruan për ditë të tëra në protestë duke u shprehur se ndërtuesi Dritan Llanaj u kishte marrë pronën.
Ata në atë kohë patën deklaruar se ndërtuesi u pati marrë pronën për të ndërtuar një kompleks, por më pas ai i ka mashtruar duke i lënë në rrugë.
Banorët ishin shprehur se ndërtuesi Dritan Llanajn e kishin kallëzuar mbi 70 herë për mashtrim dhunë e presion, por ai vazhdonte të ishte ilirë, edhe pse plot 7 familjeve u kishte marrë mbi 3300 m2 truall duke mos i dhënë asnjë hyrje apo dyqan.
Por, në nëntor të vitit 2017, nëna e dy fëmijëve në Tiranë tentoi të hidhej nga tarraca e një pallati në ndërtim e sipër, për shkak të një konflikti që kishte pasur me ndërtuesin në fjalë. Ngjarja në atë kohë ndodhu në zonën e Tiranës së Re në Tiranë.
Bëhet fjalë për një konflikt pronësie mes pronarëve të tokës dhe ndërtuesit. Enkelejda Ahmetaj, 37 vjeç nënë e dy fëmijëve zbriti nga tarraca por nuk pranoi të dilte nga pallati. Ajo në atë kohë është shprehur se “Kërkon që të vijë prokurori dhe nuk pranon të shoqërohet”.
Historia e konfliktit të pronësisë
I ati i gruas, që kërcënoi të hidhet nga tarraca e pallatit, kishte bërë një kontratë me ndërtuesin, Dritan Llanaj, Firma Mesaplik 05, për të marrë 37% të ndërtimit. Kjo sipas rrëfimit të vëllait të 37 vjeçares, por ata pretendojnë se nuk kanë marrë asnjë centimetër.
Ndërtuesi ia ka shitur kompleksin një pallati tjetër. “Na ka marrë pronën dhe e ka shitur të gjithën. Firma Mesaplik 05, Dritan Llanaj e ka emrin firma dhe nuk dimë as vetë gjë. Ne nuk kemi rrugë tjetër, skemi çfarë të bëjmë. Prona është e jona.
Ka bërë dokumente falco, leje të paligjshme, ka shitur të gjithë apartamentet. Ne s’kemi marrë asgjë fare. Nuk dimë çfarë të bëjmë më. Ka disa ditë që na thotë do hidhem nga pallati, sot në mëngjes e mësuam. Kemi fituar tre gjyqe por sërish nuk kemin marrë asnjë centimetër”. TIRANA TODAY
