Fiorentina ka zbritur në fushë për herë të parë pas ndarjes nga jeta të kapitenit, Davide Astori. Në stadiumin e mbushur plot, të gjithë kanë nderuar ish-kapitenin e skuadrës së Fiorentinës, Davide Astori, që u nda nga jeta një javë më parë, kur u gjend i pajetë në dhomën e tij të hotelit, para ndeshjes me Udinese (takimet u pezulluan dhe nuk u luajtën të dielën e kaluar).
Ata kanë mposhtur Beneventon 1-0 në shtëpi. Në minutën 13’ arbitri i ndeshjes e ka ndaluar atë për të mbajtur një minutë heshtje, në nderë të Astorit, pasi numri që mbante ky i fundit ishte pikërisht 13.
Sërish emocione, duartrokitje dhe lot në fushë e në shkallët e stadiumit, ku dhe e krijua një koreografi e jashtëzakonshme në kujtim të kapitenit. Tifozët kanë shpalosur një koreografi të madhe, duke shkruar “Davide 13” në kujtim të Astorit, e gjitha me ngjyrën vjollcë të skuadrës së Fiorentinës.
Të gjithë lojtarët e skuadrës së Fiorentinës kanë zbritur në fushë me fanellën me nr.13 që mbante të veshur Astori, ndërkohë që parrullat për ta kujtuar kapitenin nuk kanë munguar në shkallët e stadiumit. Madje edhe në mesin e fushës ishte vendosur një parrullë e madhe. Para fillimit të ndeshjes u mbajt një minutë heshtje nga ana e të gjithë personave të pranishëm në stadium, ndërkohë që duartrokitjet e tifozëve nuk pushuan.
