Polica ka bërë të ditur se pas 19-vitesh në arrati, ka mundur të vërë në pranga shtetasin Ndue Memaj, 39-vjeç nga Lezha. Ky i fundit ishte i shpallur në kërkim, pasi rezultonte i dënuar me 20 vite burg nga Apeli i Shkodrës.
“Nga shërbimet e Komisariatit të Policisë Pukë dhe forcave Operacionale të D.V.P. Shkodër, në bazë të informacioneve të marra në rrugë operative, u kap dhe u ndalua shtetasi i shpallur në kërkim Ndue Memaj 39 vjeç, banues në Lezhë”, njoftoi Policia.
Ndalimi i tij u bë pasi me 03.11.1999 ka vrarë me armë zjarri shtetasit J.N dhe A. H., dhe për këtë ngjarje, Gjykata e Apelit Shkodër me vendim nr. 407 dt 07.11.2013 e ka dënuar me 20 vite burg për veprat penale “Vrasja me paramendim” e “Mbajtja pa leje dhe prodhimi i armëve, armëve shpërthyese dhe i municionit”, parashikuar nga nenet 78 e 278/2 të Kodit Penal, shtuan të njëjtat burime.
Vrasja për gjakmarrje dhe letra pas krimit
Memaj, më datë 8 nëntor 1999, në Fushë-Arrëz, ka qëlluar me automatik dhe ka vrarë shtetasin Jak Ndoka. Në momentin e vrasjes, Ndoka ka qenë duke drejtuar mjetin e tij furgon dhe si pasojë është përplasur me një kioskë, duke shkaktuar vdekjen e shtetasit Agron Hyseni, i cili gjendej brenda saj. Nga kjo ngjarje është plagosur gjithashtu edhe një kalimtar i rastësishëm. Më pas autori është larguar nga vendngjarja, duke i dhënë një letër kryeplakut të fshatit në të cilën shkruhej se vrasjen e kishte kryer për gjakmarrje.
Video+Emri/Vrasja e dyfishtë, arrestohet pas 19 vitesh arrati autori
Ndue Memaj, një 39 vjeç nga Lezha është vënë në pranga, pasi ishte shpaluar në kërkim dhe rezultonte i dënuar me 20 vite burg. Në vitin 1999 ai ka vrarë me armë zjarri shtetasit J. N dhe A. H., dhe për këtë ngjarje dhe Gjykata e Apelit Shkodër me vendim nr. 407 dt 07.11.2013 e ka dënuar me 20 vite burg.
Njoftimi i policisë
Vijon puna për kapjen dhe ndalimin e personave të shpallur në kërkim Kapet dhe ndalohet një person i shpallur në kërkim, i dënuar me 20 vjet burg.
Nga shërbimet e Komisariatit të Policisë Pukë dhe forcave Operacionale të D. V. P. Shkodër, në bazë të informacioneve të marra në rrugë operative, u kap dhe u ndalua shtetasi i shpallur në kërkim: Ndue Memaj, 39 vjeç, banues në Lezhë.
