Dy muaj më parë Princ Harry i dha fund beqarisë në një ceremoni madhështore, e cila mori vëmendjen e mediave në të gjithë botën. Ai dhe ish aktorja Meghan Markle që pas dasmës kanë qenë gjithmonë në qendër të vëmendjes dhe janë kthyer në një nga çiftet më të dashura për publikun.
Mirëpo sipas disa imazheve të fundit që po qarkullojnë në rrjetet sociale, shumë fansa kanë hedhur aludimet që mes tyre kanë nisur problemet në çift. Sipas një videoje të publikuar nga ‘The Sun’, Meghan është përpjekur disa herë që të kap dorën e Harry-t, por ai e ka refuzuar vazhdimisht.
Ky veprim është shpjeguar nga mediave të huaja, të cilat kanë thënë se kjo gjë nuk tregon se mes tyre ka probleme, por Princi i ka rikujtuar Meghan disa rregulla të Pallatit Mbretëror. Sipas rregullave Princi dhe Dukesha nuk duhet t’ia kapin duart njëri-tjetrit në vende publike. Ky rregull nuk është tërësisht i ndaluar, por është një rregull i pashkruar që duhet të zbatohet nga ata.
“Mbretëresha e Mbretërisë së Bashkuar nuk i mban duart e kapura me bashkëshortin e saj, ashtu siç edhe Princi William dhe Kate Middleton”, tregon për “MailOnline” Robin Kermodetold.
