Shumica e të rinjve ëndërrojnë ditën kur mund të kenë një fytyrë plot me qime, që të duken më mashkullorë. Pastaj kur rriten, nisin të mbajnë mjekër dhe në fund disa e heqin, pasi nuk është aq e rehatshme sa mendonin, dhe kërkon shumë kujdes. Por meshkujt me mjekër, kanë disa avantazhe të mëdha në raport me atë që nuk mbajnë. Sipas një studimi, meshkujt pa mjekër bartin 3 herë më shumë baktere të dëmshme sesa ata me mjekër.
Ndërkohë mjekra mbron lëkurën e fytyrën nga rrezet e dëmshme të diellit në stinën e verës. Sipas një studimi tjetër, meshkujt me mjekër shihen si më tërheqës, dominantë dhe agresivë nga ana e femrave. Ka njerëz që kanë një frikë anormale ndj njerëzve me mjekra dhe kjo quhet pogonofobi.
Mjekra e ka dëshmuar rëndësinë e vet edhe në histori. Presidenti amerikan Abraham Linkoln thuhet se u zgjodh president për shkak se zgjodhi të mbajë mjekër gjatë fushatës elektorale. Ai dëgjoi sugjerimin e 11-vjeçares Grace Bedell, e cila përmes një letre i kërkonte të mbante mjekër, pasi kështu do të fitonte më shumë vota.
