Në përballjen mes SPAL dhe Bolognas, ku këta të fundit u mposhtën ka ndodhur edhe “huqi” i vitit. Në sekondat e fundit të kohës shtesë, Bologna organizoi një aksion sulmues, ku Orsolini shërbeu për Destron, i cili nga një distancë fare e vogël me portën, gjuajti topin mbi traversë, duke bërë të pamundurën.
Të menjëhershme ishin edhe reagimet në rrjetet sociale, që ironizonin goditjen e sulmuesit, pasi të nxirrje jashtë kuadratit atë top, ishte alternativa më e vështirë. As vetë Destro nuk e ka besuar, që topi ka shkuar jashtë, i cili ka vendosur menjëherë duart në kokë.
