Aksidenti tragjik në parkingun stadiumit “King Power” të Leicester, ku humbi jetën presidenti Vichai Srivaddhanaprabha dhe katër persona të tjerë erdhi si pasojë e një defekti në motorin e helikopterit.
Një goditje e fortë, zhurmë dhe flakët më pas kanë qenë pamja e tmerrshme në sytë e personave që janë ndodhur në vendngjarje, në një parking ngjitur me stadiumin. Piloti i helikopterit u tregua hero duke e manovruar me aq sa mundi mjetin, për të mos rënë mbi rrugën kryesore dhe për të mos zmadhuar dhe më shumë këtë tragjedi.
Por, ajo që njerëzit deri tani nuk kishin parë është se si helikopteri humbi kuotë, duke rënë më pas disa metra larg stadiumit. Një imazh i kapur nga ÇTV tregon të gjithë dinamikën e ngjarjes, që nga ngjitja e helikopterit deri te rënia e tij teksa bëri rrotullim 360 gradë rreth vetes, duke u përplasur më pas në tokë dhe shpërthyer.
