E gjithë bota është tronditur nga tragjedia që ka ndodhur 3 ditë më parë në Greqi. Zjarret e madha përfshinë disa zona turistike, ku për pasojë kanë mbetur 81 të vdekur dhe mbi 180 të plagosur. Ndërsa ekipet e shpëtimit po punojnë për të gjetur personat që rezultojnë të zhdukur.
E ndërsa e gjithë bota po vajton për tragjedinë e Greqisë, imazhet e trishta nga zona e Attikës, ku u shkrumbua një resort nga flaket e zjarrit, kanë bërë gazetaren televizionit grek Alpha, Vicky Hadzhi të shpërthejë në lot gjatë transmetimit live, teksa në ekran shfaqeshin pamjet e qytetarëve që përpiqeshin t’u shpëtonin flakëve.
Teksa Vicky qante, gazetari tjetër, Petros Kasiotis, tha: “Ne jemi redaktorë, jemi gazetare dhe i shohim gjërat në mënyrë të paanshme. Ka shumë dhimbje përpara dhe gjithçka është e justifikuar. Vicky është një vajzë që dëshiron të mirën e të gjithëve”.
https://youtu.be/yYn023uzjVg
