Nesër në “San Siro” do të zhvillohet superndeshja mes Interit dhe Barcelonës. Katalanasit kanë mbërritur ditën e sotme në Milano dhe janë akomoduar në një hotel. Zikaltërit janë të ‘trembur’ pasi në avionin që mbërriti në Itali ishte edhe Lionel Messi, i cili duket se ka lënë pas dëmtimin.
Por një skenë qesharake ka ndodhur me Pique në momentin që po zbriste nga autobusi. Mbrojtësi i Barcelonës kur ka dalë nga autobusi nuk ka qenë aq i vëmendshëm sa duhet dhe kur po kalonte përpara tij ai godet me kokë pasqyrën. Në këtë rast spanjollin e ka penalizuar gjatësia e tij sepse një lojtar tjetër i Barcelonës nuk do të pësonte të njëjtën gjë.
