Gjykata e Fierit ka vendosur masën e sigurisë “arrest me burg” për 25- vjeçarin Aldo Ymeraj, i cili u arrestua për llogari të Shteteve të Bashkuara të Amerikës. Ymeraj ishte shpallur në kërkim ndërkombëtar nga FBI si pjesë e një rrjeti global të akuzuar për krime kibernetike për vjedhjen e 530 milionë Dollarëve. Aldo Ymeraj pritet që të ekstradohet drejt SHBA-së.
25-vjeçari është në mesin e 36 personave të akuzuar që klononin kartat e krediteve përmes vjedhjeve të të dhënave personale. Grupi “Infraud” përbëhet nga 11 mijë anëtarë në të gjithë botën, dhe sipas hetuesve amerikanë, ka grabitur 4.3 milionë llogari bankare.
