Një i ri nga Shqipëria ka krijuar panik në aeroportin e Hamburgut. Mësohet se azilkërkuesit 22 vjeçar i ishte refuzuar azili. Ai ishte në burg dhe shumë shpejt do të dëbohej për në Shqipëri.
Fillimisht ishte e paqartë se si kishte mundur të shpërthente rrethimin me tela me gjemba të burgut, por ndërkohë është kuptuar se ai kishte ndihmën e një algjeriani 24 vjeçar.
Policia thotë se ai e kishte përgatitur mirë arratisjen. Shtrati i tij në dhomën e burgut ishte maskuar ashtu që të dukej sikur ai ende ishte duke fjetur aty.
Kur u konstatua zhdukja e tij, përgjegjësit e burgut njoftuan autoritetet e aeroportit, pasi ekzistonte rreziku që ai të ikte përmes pistës së aeroportit.
Kështu, rreth orës 20.15 është bllokuar qarkullimi i aeropoteve në mënyrë që të hulumtohej terreni. Në orën 21.35 ka përfunduar kërkimi në aeroport dhe ka vazhduar puna normale. 22 vjeçari ende vazhdon të jetë në kërkim.
Vetëm në aeroportin e Hamburgut, janë anuluar tetë fluturime dhe dymbëdhjetë fluturime të tjera janë të vonuara. (Tirana Today)
