Një 75 vjeçari i cili jetonte në Carignano ka ndërruar jetë si pasojë e nja aksidenti të ndodhur një natë më parë në Torino. Përplasja, e cila përfshinte një makinë dhe një furgon ndodhi në afërsi të daljes në Debouçes, në drejtim të Savonës, dhe shkaktoi plagosjen e katër njerëzve të tjerë, duke përfshirë një vajzë gjashtëvjeçare.
Viktima, Salvatore Squillaci, po ngiste një Ford Fiesta në të cilën po udhëtonte fëmija dhe dy shqiptare përkatësisht 21-vjeç dhe 35-vjeç. 35 vjeçarja thuhet se është nëna e fëmijës. Vetëm afër daljes, makina u përplas nga një furgon Renault, i drejtuar nga një shtetas 51-vjeçar francez, i cili u plagos gjithashtu.
Squillaci u hodh nga makina dhe vdiq menjëherë. Njerëzit e tjerë që udhëtuan në Ford ishin nxjerrë në mënyrë të përpiktë nga zjarrfikësit dhe u dërguan në spital. Por në gjendje të rëndë për jetën thuhet se është vogëlushja e cila ka marrë plagë të rënda në kokë, bark dhe kraharor.
Por, edhe nëna e saj ka marrë lëndime në kokë dhe kraharor. Edhe shoferi i furgonit, u transportua në spitalin Moncalieri për hetime. Policia e trafikut po punon për të rindërtuar dinamikën e saktë të aksidentit.
Burimi: torinotoday.it
Përshtati: Tirana Today
