Padyshim që eventi më i madh i futbollit është Botërori, ku pas 100 ditësh të gjithë sytë e sportdashësve do të jenë kthyer nga Rusia. FIFA me anë të një video të publikuar, ka numëruar ditët e mbetura, ku futbollistë të mëdhenj kanë realizuar 100 prekje topi.
Skuadra e Wayne Rooney, Diego Maradona dhe Carlos Valderrama shënoi 90 prekjet e para, ndërsa i mbeti presidentit rus, Vladimir Putin, për të shtuar 10 prekjet përfundimtare me pak ndihmë nga presidenti i FIFA-s, Gianni Infantino. Disa aftësi mbresëlënëse në këtë shfaqje, jo pak edhe nga Putini.
