Mediat italiane raportojnë sot për shkatërrimin e një bande kriminale te lidhur me Cosa Nostra dhe UÇK-në.
Banda akuzohet për trafikimi i qenieve njerëzore midis Sicilisë dhe Gjermanisë, Kosovës dhe Maqedonisë, nëpërmjet kontakteve me mafian dhe grupin ‘UÇK-ja e re’ e ngritur në Kumanove, të lidhura me qarqet xhihadiste.
Hetimet e DDA-s-së të kryeqytetit italian kanë zbuluar dy organizata kriminale. Ata transportonin emigrantë nga Ballkani në Zvicër me makinë ose dërgonin në Sicili me kontrata false pune. Në këmbim, çdo refugjat ka paguar tre mijë euro.
Një rrjet kriminal që menaxhonte kalimin e emigrantëve në rrugën e Ballkanit, por edhe shitjen e armëve, u zbulua nga hetimet e koordinuara nga Drejtoria e Qarkut Anti-Mafia në Palermo. Karabinierët arrestuan 17 persona të një organizate kriminale transnacionale që synon lehtësimin e emigracionit të paligjshëm, trafikimin e armëve luftarake dhe riciklimin e diamanteve, arit dhe parave të pista. Në një rast vlera materialeve që u përpoqën të riciklojnë tejkalonte 11 milionë euro.
Përmes Italisë, dhjetëra emigrantë janë përpjekur të arrijnë Zvicrën dhe Evropën Veriore. Struktura kriminale ka zhvilluar aktivitetin e saj edhe në krahinat; Palermos, Sondrio, Como, Pordenone dhe Siena, si dhe në shtetet si Zvicra, Gjermania, Maqedonia dhe Kosova.
Kontaktet midis Cosa Nostra dhe trafikantëve të njerëzve u ndërprenë sot në mëngjes nga Karabinierët e Komandës Provinciale të Palermos, të udhëhequr nga koloneli Antonio Di Stasio. Hetimi u koordinua nga prokurori i Palermos, Francesco Lo Voi dhe nga pm Gery Ferrara dhe Giorgia Spiri.
Kosovarët dhe Sicilianët, Dy organizata kriminale të zbuluara nga hetuesit: një i kryesuar nga disa kosovarë, si në Itali dhe në Zvicër, tjetra u krijua nga italianët dhe maqedonasit. Në krye të bandës kosovare ishte Arben Rexhepi i cili rekrutonte emigrantët që do të dërgoheshin në Itali, përgjatë rrugës ballkanike.
Rexhepi gjatë luftës në Ballkan, ishte pjesë e një grupi paramilitar të UÇK-ja shqiptare. Bashkëpunëtorët janë shtetasit; Driton Rexhepi, Xhemshit Vershevci, Franco dhe Tiziano Moreno Mapelli, Ibrahim Latifi dhe partneri i tij Jlenia Fele Arena, të cilët u nisën me makinë në Zvicër. Organizata kriminale e dytë, arriti në Palermo nga Fatmir Latifi dhe Joseph Giangrosso, rekrutuar nga qytetarët sllave të hyjnë në Itali me kontrata të rreme të punës.
Kjo degë në Palermo e bandës ishte e përfshirë edhe në trafikim diamantësh dhe dhjetë kilogramë ar dhe në pastrimin e parave të përfituara nga gjobvëniet. Lideri, Fatmir Latifi dhe një nga bashkëpunëtorët e tij, Joseph Giangrosso, kishin ngritur një rrjet të biznesit me qëllim që të riciklojnë kapitalin e paligjshëm.
Latifi ishte në kontakt me grabitës të cilët jetojnë në Ballkan, të specializuar në “pastrimin” e kartëmonedhave me njolla e bojë që nuk fshihet, sepse ishin para të grabitura apo vjedhura në ATM. Falë përdorimit të reagjentëve kimikë, ishte e mundur të hiqnin njollat nga kartëmonedhat.
Grupi pastronte gjithashtu edhe shumë të holla nga Hong Kongu përmes sistemit elektronik internet banking, e cila është përdorur kryesisht për transferimin e të dhënave të largëta, p.sh. për transaksionet kapitale të pagesave ndërmjet organizatave dhe bankave.
Struktura kriminale mund të llogaritej në bashkëpunimin e kompanive në veri-lindje të Italisë. Grupi ka vendosur një negocim të ndërlikuar dhe të artikuluar që synon riciklimin e shumë diamante me origjinë të paligjshme për një vlerë prej rreth 11 milionë euro. Historia doli në shtator 2017, kur një bisedë u interceptua brenda makinës Latifit.
Nga diskutimi doli se disa kosovarë e kishin ftuar atë në vendin e tyre për të blerë diamante të vjedhura. Detyra e të dyshuarit ishte të gjente blerës, të identifikuar tashmë në disa qytetarë të pasur të Brukselit, falë ndihmës së bashkëpunëtorëve turq dhe zviceranë.
Armët te UÇK-ja e re dhe takimi me mafianin e Catanias.
Latifi drejtoi një tregti armësh që ishte në lulëzim. Për hetuesit kishin fakte për kallashnikovët dhe granatat që shiteshin edhe për luftëtarët e UÇK-së së re, protagonist në vitin 2015 të një sulm me bombë në qytetin maqedonas të Kumanovës.
Shtatë muaj më parë, Latifi u ndalua nga karabinierët në Villabate në kthimin e tij nga një udhëtim në Kosovë. Materiali që u sekuestrua nga prokuroria, telefonat celularë dhe kompjuterët i ndihmoi hetuesit për të për të zbuluar trafikun e armëve dhe riciklimin e diamanteve dhe plaçkën e parave të vjedhjeve dhe plaçkitjeve.
Video të diamanteve komerciale, parave të ngjyrosura me bojë dhe armëve të tregtuara jashtë vendit u konfiskuan tek i dyshuari.
Burimi: ilfattoquotidiano.it
Përshatati: Tirana Today
