Kryeministri Edi Rama ka zgjedhur që të urojë qytetarët e Vlorës, nëpërmjet një postimi të veçantë.
Rama uron të gjithë vlonjatët që të kenë një vit të mbarë pavarësisht bindjeve politike, ndërsa në fund e mbyll me disa vargje për qytetin ku ai shërben si deputet.
“Qoftë një vit i mbarë e me shëndet e me të mira për të gjithë ju, krejt pavarësisht bindjeve e simpative tuaja politike dhe me vargjet e mahnitshme për Vlorën, brendashkruar zemrës suaj”, shkruan ndër të tjera Rama.
POSTIMI I PLOTË
Një urim i posaçëm për të gjitha familjet e Vlorës, pa dallim, gjyshërit, gjyshet, prindërit e fëmijët e Vlorës, nga bregu i detit deri thellë në malet e Labërisë, vendi ku kaloja verën si fëmijë e ku kam sot nderin e madh të shërbej edhe si deputet i Kuvendit të Shqipërisë.
Qoftë një vit i mbarë e me shëndet e me të mira për të gjithë ju, krejt pavarësisht bindjeve e simpative tuaja politike dhe me vargjet e mahnitshme për Vlorën, brendashkruar zemrës suaj:
Vlorën vetëm Vlorën
thelb e kam në zemër
Ditën e kam dritë,
natën e kam endërr
