Një tjetër shpërthim është regjistruar sot në Liban, pas atij të muajit gusht që i mori jetën dhjetëra njerëzve.
Sipas Reuters, një depo armësh që i përkiste “Hezbollah”-ut shpërtheu sot për shkak të një gabimi teknik. Shpërthimi ndodhi në qytetin port të Sidonit.
Paraprakisht, nuk ka raportime për viktima, ndërsa anëtarët e grupit “Hezbollah” vendosën një kordon sigurie, duke ndaluar gazetarët të afroheshin në zonë.
Ky shpërthim vjen vetëm pak javë pas atij në portin e Bejrutit që pati pasoja shkatërrimtare.
