Pas transmetimit të gjesteve skandaloze të gjyqtarit të Fierit, Roland Hysi, i cili kërkonte ryshfet e marrëdhënie seksuale nga një nënë e divorcuar, me qëllim dhënien e kujdestarisë së fëmijës, mësohet se ka nisur procedimi penal ndaj tij. Prokuroria pranë Gjykatës së Shkallës së Parë për Krime të Rënda Tiranë, ka regjistruar procedim penal për veprat penale “Ushtrimi i ndikimit të paligjshëm ndaj personave që ushtrojnë funksione publike”, dhe “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”.
“Prokuroria pranë Gjykatës së Shkallës së Parë për Krime të Rënda Tiranë, duke u nisur nga pamjet filmike të transmetuara në datën 08.01.2019, në emisionin “Stop” të televizionit “Klan”, kryesisht, ka regjistruar procedim penal për veprat penale “Ushtrimi i ndikimit të paligjshëm ndaj personave që ushtojnë funksione publike” dhe “Korrupsioni pasiv i gjyqtarëve, prokurorëve dhe funksionarëve të tjerë të drejtësisë”, të parashikuara nga nenet 245/1 dhe 319/ç të Kodit Penal.
Në bashkëpunim me Drejtorinë e Policisë së Shtetit, janë duke u kryer veprimet e nevojshme hetimore, me qëllim hetimin e plotë të rrethanave të ngjarjes dhe të përgjegjësisë penale të personave të përfshirë”.
I kërkoi seks gruas së divorcuar, psikologia e njohur: Urgjentisht të ndiqet penalisht
