Një shpërthim i fuqishëm ka ndodhur në një bazë ushtarake në Ukrainë duke shkaktuar panik të madh në zonë.
Menjëherë pas shpërthimit forcat e sigurisë ukrainase kanë evakuuar nga zona 24 mijë banorë dhe kanë mbyllur hapësirën ajrore në zonë.
Shpërthimet kanë shkaktuar zjarr në një bazë ushtarake afër vendbanimit, Kalinivka, 270 kilometra në perëndim të kryeqytetit Kiev.
Kryeministri i Ukrainës, Volodymyr Hroysman, i cili ka arritur në rajon disa orë pas shpërthimeve, tha se në këtë incident kishin dorë “faktorë të jashtëm”.
Zoryan Shkiryar, këshilltar në Ministrinë e brendshme të Ukrainës, ka shkruar në rrjetin Facebook se është “i bindur se ky është sabotim armiqësor rus” dhe ka shtuar se ky ishte zjarri i shtatë në depot ushtarake në Kalinivka.
Sipas tij, një komision shtetëror do të zhvilloj hetime për shkaqet e shpërthimeve. Zëvendësministri për politikë informuese, Dmytro Zolotukhin, tha se shpërthimi ishte aksident dhe autoritetet po punojnë për ta vënë situatën nën kontroll.
Ende nuk dihet nëse ka viktima por nga pamjet e para të publikuar në media duket se ka qenë një shpërthim tejet i madh.
