Një shpërthim i dyshuar terrorist raportohet të ketë ndodhur në qytetin e Nju Jorkut, i cili është ndierë rreth orës 6:30 të mëngjesit të së hënës, në një stacion metroje pranë terminalit të autobusëve “Port Authority”, në Manhattan.
Vendndodhja është vetëm pak blloqe banimi larg “Times Square”-t.
Departamenti i zjarrfikësve dhe policisë së Nju Jorkut thanë se kanë lokalizuar një pajisje pranë një korridori pasagjerësh midis trenave A dhe 1, e me shumë mundësi po konsiderohet si sulm terrorist. Policia ka mundur të ndalojë një person dhe e ka dërgur në paraburgim për ta marrë në pyetje, pasi ai mbante një pajisje me tela me vete. Agjencitë ligjzbatuese i janë përgjigjur menjëherë raportimit dhe kanë krijuar edhe perimetrin e sigurisë përreth zonës.
