Hapet me forcë dera e shkollës “Ali Lacej” në Shkodër, e cila është caktuar më herët të shërbejë si KZAZ.
Në pamjet e siguruara nga BalkanWeb shihet një person teksa këput zinxhirët me forcë duke mundësuar kështu futjen e materialeve zgjedhore brenda shkollës. Mësohet se të pranishëm në këtë ngjarje kanë qenë edhe forca të policisë.
Hivzi Bushati, ish-shefi i FNSH-së Shkodër, ka qenë gjithashtu i pranishëm në vendngjarje dhe e ka konsideruar atë si “përdhosje institucioni”.
“Në zbatim të dekretit të Presidentit, bashkia ka shkel një vendim për ruajtjen e aseteve që ka në pronësi të saj, ky quhet përdhosje e institucionit, grabitje dhe vjedhje. I kërkoj policisë të kryej detyrën e saj. E them si qytetarë dhe si ish-punonjës policie”, deklaroi ai.
