Gjyqtarët në futbollin shqiptar pak kohë më parë bojkotuan kampionatin, për shkak të dhunës që ushtrohej ndaj tyre. Por nga njëra anë edhe gabimet që arbitrat bëjnë nuk janë të paktë dhe ndonjëherë bëhen faktor përcaktues për fatin e takimit.
Nëse në Superiore çdo gjë monitorohet nga kamerat, në kategoritë më të ulëta, nuk mund të shihet asgjë. Në ndeshjen e Delvinës dhe Shkumbinit, e cila ka përfunduar 1-1, skuadra peqinase ka shumë ankesa ndaj arbitrit Blerim Ziri.
Me anë të një postimi në “Facebook” ata kanë denoncuar me anë të një video të gjitha gabimet e gjyqtarit.
Denoncimi i plotë:
Shikojeni miq, këtë maskaradë të kryesorit Ziri, që vetëm arbitër nuk mund të quhet, por që dihet tashmë se zbaton urdhërat nga sipër. Pra, është një vegël dhe zar i kryekancerit. Eshtë poshtërsi që të mos ndëshkohen të tillë faulla.
Faulli i lojtarit me nr.11 të vendasve nuk vlerësohet as për karton të verdhë nga kryesori (nuk e dimë çfarë duhet më shumë).
Këtu portierit 1.5 metra të vendasve, që i vjen deri te mesi Daniel Ramazanit, i duket vetja se është në ring, duke boksuar e jo luajtur futbolli (karton i kuq i pastër, por jo për arbitrin).
Pasi lojtari me nr.7 i vendasve merr kartonin e verdhë, pak minuta më vonë, shikoni goditjen në bark, alla karate, ndaj lojtarit tonë. Për gjyqtarin nuk ka asnjë karton (minimumi duhej dhënë i verdhi dhe automatikisht i kuqi, pasi ishte i verdhi i dytë).
Këtu jemi nga fillimi i ndeshjes, rezultati 0-0, imagjinoni se si arbitrohet, pasi shënuam ne. Çdo koment është i tepërt përballë këtyre fakteve…
