Në puntatën e fundit të spektaklit “Hell’s Kitchen”, shef Renato është treguar mjaft i mirë. Madje, ai edhe i është lutur një prej ish-konkurrenteve të këtij spektakli.
Bëhet fjalë për Anin, e cila u rikthye si një nga 6 ndihmësit e dy shefave të rinj. Shef Renato Mekolli u emocionua nga rikthimi në finale i ish-konkurrentes bukuroshe Ani dhe bëri veprimin e papritur.
Teksa ajo po merrej me ëmbëlsirat, ai i ka shkuar nga pas duke e komplimentuar e më pas i është ulur në gjunjë duke i bërë një propozim interesant.
“Anin nuk e lë të ikë, do e marr në restorantin tim. Do pranosh apo jo?”, i thotë Renato Anit dhe i ulet në gjunjë.
Ani nuk i ktheu përgjigje, madje ajo u shpreh se fjalët e Renatos e vunë në siklet, por sigurisht që i mori në formë shakaje.
